Stakk þetta þig í augun?? Eða sástu ekkert athugavert??
Hvað er þetta með stafsetningu og málfræði hérna inni á spjallinu.
Maður er farinn að sjá annað hvert innlegg með svo hræðilegum mál- og stafsetningarvillum að maður skammast sín sem spjallverja. Er fólk virkilega ekkert feimið við að setja frá sér texta með villu í þriðja hverju orði? Hefur enginn sem kemur úr skóla lengur metnað til að geta skrifað rétt?
Það er skiljanlegt með þessa sem eru lesblindir og þessháttar, en það er minnihluti þess sem kemur hér inn. Hitt er einfaldlega vankunnátta og skeytingarleysi. Hvernig væri að fólk hysjaði upp um sig buxurnar og færi að æfa sig í stafsetningu í stað þess að hanga hér á kraftinum
Nei en án gríns, það er alveg hræðilegt þegar fólk getur ekki lengur skrifað og talað rétt mál. Það er ekki eins og við höfum ekki öll tækifæri í heiminum til að mennta okkur hér á landi. Hvernig getur maður tekið einstakling alvarlega og borið virðingu fyrir honum ef hann kann ekki einu sinni að tala og skrifa?
En málvillurnar, ég veit ekki, finnst ég ekki gera mikið af þeim.