Innlent | mbl.is | 30.11.2006 | 07:04
Mældist á 201 km hraða á Reykjanesbrautinni
Lögreglan í Keflavík mældi, rétt fyrir klukkan þrjú í nótt, svarta BMW bifreið á 201 km hraða á Reykjanesbraut við enda tvöföldunarinnar vestan megin en hámarkhraði þar er 90 km. Bifreiðinni var ekið í vesturátt og gáfu lögreglumenn ökumanninum merki, með bláum aðvörunarljósum lögreglubifreiðarinnar, um að stöðva. Ökumaðurinn sinnti ekki stöðvunarmerkjum lögreglu heldur hélt áfram á ofsahraða.

Lögreglumenn hófu eftirför en hættu henni nokkru síðar þar sem þeir misstu sjónar af bifreiðinni. Lögreglu bárust nokkrar vísbendingar um bifreiðina og er unnið að rannsókn málsins.

En annars er þetta óþolandi hvað það virðist vera þetta trend að tilgreina bíltegundina þegar BMW kemur við sögu. Ég fékk nóg núna um daginn þegar einhver unglingsstrákur keyrði næstum niður lögreglumann þegar hann var að flýja af bílaplani. Þá hringdi ég á fréttastofu Rásar 2 og talaði við fréttakonu þar. Þá var ennþá í fersku minni þegar talsvert magn af fíkniefnum höfðu náðst eftir að reynt hafi verið að flytja þau inn í bensíntanki á BMW og það að sjálfsögðu alltaf tekið fram. En ég talaði sérstaklega um þetta dæmi við hana sem hafði verið í fréttum þann daginn. Þar var sagt að "ökumaðurinn hafi verið á kraftmikilli BMW-bifreið" þegar hann var nálægt því að aka niður lögreglumanninn. Ég spurði konuna hvort að, hefði hann verið á Toyotu, að þá hefði verið sagt "ökumaðurinn var á afl-lítilli Toyota bifreið"? Hún hló að þessu og sagðist skilja hvað ég ætti við. Ég bætti því við að ég væri í BMW-bílaklúbb sem væri mjög stór klúbbur og þar væru margir orðnir þreyttir á þessari tegunda tilgreiningu í fréttaflutningi. Þetta hefði án efa áhrif á ímynd bíltegundarinnar fyrir utan að það væri óskiljanlegt að þegar þessi bíltegund væri notuð í atvikum sem þessum væri það mjög oft tekið fram en aldrei annars.

Hún þakkaði bara fyrir ábendinguna.

það eru nú ansi margir svartir BMW'ar á suðurnesjum, og þessvegna gæti þetta verið dökkblár bíll þar sem munurinn sést ekki svo auðveldlega í myrkrinu.
Svo var ekkert tekið fram hvernig bíll þetta var, lítill-stór, gamall-nýr.

Það er alveg eins hægt að segja grá toyota í fréttinni eins og svartur BMW því ekki finnst bíllinn útfrá þessum upplýsingum.

Það er slæmt ef þessar upplýsingar eiga að hjálpa til við leitina að bílnum því þá verða svartir BMW'ar lagðir í einelti.

Menn ættu kannski að reyna spurjast fyrir hjá moggamönnum hvaða bíltegundir komu við sögu í þessari frétt: http://www.mbl.is/mm/frettir/innlent/fr ... id=1238400