2ja daga report.
Ekki gafst tími til að setja inn línu í gærkveldi. Allur tíminn fór í að laga RNGTOY og Blue Thunder fyrir átök dagsins í dag.
Dagurinn byrjaði samt á því að keyra niður að Hockenheim hringnum því við höfðum frétt af "drift challenge" keppni þar ásamt tuner sýningu. Við stóðum allt flatt niðureftir, lentum í fyrstu "stau"-nni á leiðinni en náðum þangað tiltölulega fljótt. Klukkan 14 þá byrjaði þar drift keppni sem var gaman að fylgjast með. Menn misgóðir, meiripartur af tilþrifunum var eitthvað sem hefði verið hægt að toppa á hringtorginu við grandan á góðu kvöldi.
En einstaka menn þarna voru að gera góða hluti. Gæji frá Hollandi á touring E46 var alveg að gera þetta vel. Ásamt hvítum E30 V12 bíl sem tók alltaf allan pakkann. Einnig var E30 með S62 sem soundaði hrikalega vel.
En af sýningaratriðunum bar af Rallý Skodinn sem var að sýna listir sínar þarna. Hann ásamt Alutech Mustang var það sem var sett inn á milli til að halda áhorfendunum ánægðum. Mustanginn var ekki neitt nema rauður reykur með sínum reykdekkjum. Nokkuð flott en fölnaði í samanburði við rallý Skódann þegar hann tók rönn. Gæjinn sprautaðis áfram á malbikinu eins og hann væri á möl. Spólaði sig í gegnum brautina í slædi með körfuboltabil á milli dekks og brettis. En það kom ekki að sök því það var hrein unun að horfa á kappann taka brautina í slædi og uppákomum. Flottast var án efa að sjá kappann taka 360 á ferðinni á malbikinu og svo beint inn í 90 gráðu slæd beygju. Alveg BARA í lagi.
En allavega, eftir þetta lögðum við í hann uppeftir og komum á hringinn klukkan 18:00 og náðum síðustu dropunum af aksjoninu hérna. Eins og venjulega var nóg af tækjum og tólum að skoða. Porsche, BMW, AUDI og fullt af gaurum frá bretlandi á Evo og Imprezum var meginkjarninn í gær. Toppurinn var nú samt ábyggilega að tala við gaurinn á Ultima GTR bílnum sem búið er að tala um. Hittum hann undir lokun í gær og skoðuðum bílinn í krók og kima.
Eftir langan og sólríkan dag (32 stiga hiti) fórum við upp á hótel. því miður var þar einkapartí svo við skelltum okkur til Adenau í pizzu. Eftir það var viðgerðarsession á Altes Forsthaus. Fengum lánaða gryfjuna hérna í gamla Mercedes húsinu og kíktum á hvíta fyrst. Fundum út að það vantaði pinnan í skiptistöngina (efri) sem festir hana við gírkassann. Löguðum það með bolta og ró, því ekki fannst hér rétta BMW stykkið sem vantaði. Sæmi og Sæmi voru þarna undir bílunum og voru að skrúfa og skrúfa í mega litlu plássi. Þetta var svona eins og kvensjúkdómalæknirinn sem fékk verðlaun fyrir þegar hann skipti um vél í bílnum sínum. Það tók hann 3 vikur.... en hann gerði það allt í gegnum púströrið!!!!!
Það var ekki pláss til að gera neitt þarna. Að lokum tókst að setja þetta saman og þá var það bláa þruman. Þórður og Sæmi (ekki ég Sæmi heldur hinn Sæmi) settu nýtt belti á og gekk það mjög vel. Eftir það var svo tekinn stuttur prufurúntur sem ég hefði betur sleppt, eins og áður hefur komið fram!
Nóg af gærdeginum!
Í morgun vöknuðu sumir klukkan 7 og fóru út á braut við opnun. Sveinki þolinmóði ásamt sínu fylgdarliði, Loga og Baldri voru mættir við opnun og náðu 3 rönnum, 2 þurr og 3ja í semi-blautu. Við svefnpurrkurnar (lesist duglegu viðgerðarmennirnir sem fóru ekki að sofa fyrir allar aldir.... hálftíma seinna segir Logi
) dröttuðumst við fram úr seinna og vorum komnir út á braut 10:30 eftir misheppnaða þvottatilraun. Það er nefnilega lokað á þvottastöðinni þá!!!!! sniðugt!!!
Allavega kom það svo sem ekki mikið að sök því það rigndi svo til stanslaust fram til 14-15. Svenni Fart kom til okkar á stífbónuðum E36 M3 GT. Mjöööög snyrtilegaur bíll með sterabremsur. Ég hef ekki séð jafn vel bónaðan bíl síðan ég var 17 og bónaði bílinn hans pabba! Hann tók Baldur í ferð sem honum fannst bara í lagi, bæði bíll og ökumaður að gera góða hluti þar að sögn. En svo stakk Fartarinn af og við sátum eftir með sárt ennið í brakandi þurrk og topp akstursskilyrðum!
Aumingja við
Við reyndum að nota tímann sem best og keyrðum sem mest mátti. Ofur-Þórður hafði að sjálfsögðu vinninginn og fór hamförum á hvítu þrumunni, sem virkar
!!!!!!!!!!!!!!!!***************BARA****************!!!!!!!!!!!!!!!!
Bíllinn er vægast sagt skemmtilegur á brautinni. Gripurinn trackar ótrúlega á þessum dekkjum, Toyo Proxies R888. Vinnslan fín og spólvörnin er snilld. Ekki svona On-Off dæmi heldur er hún alltaf að hleypa réttu magni af afli í hjólin til að halda bílnum í vinnslu. Aldrei hik og aldrei spól!!!
Bláa þruman er í fýlu núna, enda var sá eini sem keyrði hana eitthvað hinn Sæmi á leið í ljósmyndun, fyrir utan einn blautann hring.
En who cares, hvíti bíður morgundagsinns
Baldur á SL55 tók allverulega á því og tók gott rönn. Bíllinn vel stífur á sinni loftpúðafjöðrun og bremsur alveg að höndla þessi rúmu 2 tonn!
Kraftminnsti bíllinn fékk líka að kenna á því, fór 4 hringi eða svo. Skemmst er að segja frá því að dekkin á honum eru ÖMURLEG.!!!!!!!!!! ... í bleytu!. Þetta var eins og að keyra í frosti eftir rigningu. Ég er ekki að grínast, en þessi Dunlop Direzza eru hræðileg í bleytu. Mér var gráti næst eftir fyrstu ferðina, þetta var EKKI að gera sig.
En eins og komið hefur fram þá þornaði og ég verð að segja að í þurru eru þessi dekk alveg í lagi. Í síðustu 2 hringjunum var ég með spólvörnina af af og til, svo til alveg í síðustu ferðinni og bíllinn náði varla að losa dekk. Vældi vel í þeim, en héldu mjög vel.
Það eru 6 sáttir strákar að fara að sofa núna á Ringhaus eftir góðan dag. Hlökkum spenntir til morungdagsins, munum sofa með spenntar greipar í bæn um þurrt malbik á Nurburgring!
Góða nótt.
Login
Register
FAQ
Search
Meðlimur
