Eldsneyti

[poco]

Mér datt í hug að athuga, í þessum óþrjótandi banka af brilljant upplýsingum, hvort einhver geti svarað þessari spurningu sem lengi er búin að brenna á mér.
Þekkir e-r muninn á bensíni frá t.d. ÓB og Orkunni og bensíni sem er keypt á Essó og Olís (ég er auvita ekki að leitast eftir svarinu: "það munar 3 krónum;)
Ég hef heyrt svo margar útskýringar, en ekki frá neinum sem veit þetta fyrir víst.
Ég gerðist meira að segja svo grófur að spyrja um þetta á Essó-stöð og svarið sem ég fékk var "ÖÖÖÖ...jaaa...ööö....eeeh...bensínið okkar er BEST"

[flamatron]

Ég myndi segja að benzínið hjá shell er bezt.. allavega eyðir bílinn minn minna á því benzíni, og það er lélegur hægagangur ef ég nota benzín frá Esso,(sem er sama og olís).

[bebecar]

Mér datt í hug að athuga, í þessum óþrjótandi banka af brilljant upplýsingum, hvort einhver geti svarað þessari spurningu sem lengi er búin að brenna á mér.
Þekkir e-r muninn á bensíni frá t.d. ÓB og Orkunni og bensíni sem er keypt á Essó og Olís (ég er auvita ekki að leitast eftir svarinu: "það munar 3 krónum;)
Ég hef heyrt svo margar útskýringar, en ekki frá neinum sem veit þetta fyrir víst.
Ég gerðist meira að segja svo grófur að spyrja um þetta á Essó-stöð og svarið sem ég fékk var "ÖÖÖÖ...jaaa...ööö....eeeh...bensínið okkar er BEST"

Ég skal taka þetta að mér.

Bensínið sem þú kaupir hjá Orkunni, ÓB og Esso Express er ekki með bætiefnum í. Bætiefnin komu fyrst á markað hjá Skeljungi fyrir mörgum árum og fékk nafnið Betra Shell bensín ef ég man rétt, Olís fylgdi eftir með Hreinna Bensín eða álíka og MÖRGUM árum síðar fór Essó að blanda bætiefnum í sitt bensín.

Flestir bílaframleiðendur mæla með að keyrt sé á bætiefna bensíni þar sem útfellingar í vélum margfaldast ef alltaf er ekið á óbættu bensíni.

Svo er til V-Power sem er með öflugustu og dýrustu bætiefnum í bensíni hér heima. Það er auðvitað best fyrir bílinn en líka dýrast og skiptar skoðanir um ávinninginn.

Ég tek nánast alltaf annaðhvort V-Power eða 98 oktana hjá Orkunni við eyðistorg. Ég tek stundum 95 oktana ef að verðstríð er í gangi en þá kemst ég ekki einu sinni 300 kílómetra á tanknum þannig að líklega fer sparnaðurinn allur í auka eyðslu.

Semsagt... fyrir utan verðmuninn þá er gæðamunur á bensíninu = engin bætiefni.

Ég tel þessvegna farsælast að fara mína leið eða vera duglegur að taka bætiefna bensín með sjálfsafgreiðslu afslætti í annað eða þriðja hvert skiptið.

[ses]

Hmm.. Esso og Olís sama bensín?

Minn eyðir minnst á Olís hreint system 3 bensíni..

Hef ekki mikið skoðað shell, né prófað 98/99 oktana.

Annars er þetta alveg rétt sem bebecar segir, þetta er spurning um bætiefni, en t.d. ÓB selja hreint system 3, sem ég er nokkuð viss um að er með bætiefnunum, annars væri þetta bara plain BP 95 oktana, ekki satt?

[flamatron]

Hmm.. Esso og Olís sama bensín?

Esso og olís nota sama dreifingar aðilan, olíudreifingu, sömu bílarnir, sama sullið.

[poco]

Takk bebecar, þetta hafði ég heyrt áður og staðfestist hérmeð!

En í tengslum við þetta; er e-r sem notar bætiefni eins og STP í tankinn? Einhver reynsla af þessu?
Mér var sagt að það væri sniðugt að nota þetta á bíla komna yfir 100þús.km.

[bebecar]

Hmm.. Esso og Olís sama bensín?

Esso og olís nota sama dreifingar aðilan, olíudreifingu, sömu bílarnir, sama sullið.

Bensínið er það sama en bætiefnin ekki, bætiefnunum er bætt útí tankbílana við áfyllingu.

Ég er nokkuð viss um að ÓB er með óblandað bensín.

STP innspýtingar hreinsir kostar um 984 krónur, það er mikið sniðugra að kaupa bara V-Power sem er með akkúrat það sem þú þarft. Ef að verðmunurinn á líternum er 10 kall þá dugar þessi mismunurinn á V-Power og STP brúsanum fyrir tvær tankfyllingar á meðal bíl.

[gstuning]

Ég tek bara ´99 ef ég kemst í það annars alltaf ´98

löngu hættur að taka ´95,
Tók meira að segja ´98 á Fiatinn

[Haffi]

ohhh plís ekki önnur benzínumræða =)

[Gunni]

Ég hef komist að því á mínum að hann kemst _miklu_ lengra á 98+ heldur en 95.

[gunnar]

Alltaf gaman að fræðast meira

[bebecar]

ohhh plís ekki önnur benzínumræða =)

Þú ÞARFT ekki að taka þátt sko

[Austmannn]

bíddu bíddu, kemst miklu lengar, skilgreindu þetta aðeins meira. Ertu þá að meina vegna þessa sprengikraftur 98 okt er meiri að það þurfi þarafleiðandi minna magn til að komast sömu vegalengd????

[Gunni]

ÉG er kannski að ýkja með því að segja miklu, en staðreyndin er þessi:

Ég prófaði að taka 95 á 3 tanka og svo skipti ég yfir á 98 í 3 tanka og ég komst undantekningalaust fleiri km á 98 bensíninu. Ég keyrði bílinn eins á öllum tönkunum. Þannig er það bara. Ég er ekki verkfræðingur, kallaðu þetta tilviljun ef þú vilt

[Austmannn]

Ath, ég er alls ekki að rengja þig, mér þykir þetta bara sniðug pæling. Það sem meira er að það er eðlisfræðilegur grunnur fyrir henni. Spurning hvort það sé hægt að skella þessu í einskonar reiknilíkan.

Þá meina ég.

x þungur bíll
x oktan bensín
x vél/tog/hestar.
= km